सिन्धुली अस्पतालमा बिग्रिएका स्वास्थ्य उपकरण निःशुल्क मर्मत पछि प्रयोगमा आयो



सिन्धुली अस्पतालमा मर्मत सम्भार नहुँदा वर्षौ देखि बिग्रिएर थन्किएका स्वास्थ्य उपकरणहरू मर्मत पछि सञ्चालनमा आएका छन् ।

सामूहिक सरोकार समाज सिन्धुलीको समन्वयमा नेपाली हेरिटेज च्यारेटि फाउन्डेसन, क्याल्गेरि नेप्लीज कम्युनिटी एसोसिएसन तथा र्‍यापिट एक्सन टाक्स फोर्स को सहयोग बायो मेडिकल इन्जिनियरिङ फाउन्डेसन नेपालको प्राविधिक सहयोगमा २१थान उपकरणहरू मर्मत सम्भार गरेको हो ।

बिहीबार अस्पतालमा  बायो मेडिकल इन्जिनियरिङ फाउन्डेसनको प्राविधिक टोली ले ५ थान प्यारेन्ट मिटर, २ थान ई सिजी मेशिन, ४ थान सक्सन पम्प, ४ थान निबुलाईजर, २ थान अक्सिजन फ्लो मिटर, १ थान पेरी लाइट, १थान मसिमो अक्सिमिटर र २ थान वाटर डिस्पेन्सर गरेर २१ थान उपकरणहरूको निःशुल्क मर्मत सम्भार गरेको सामूहिक सरोकार समाज सिन्धुलीका अध्यक्ष नवराज पहाडीले सिन्धुली दर्पण सँग बताए ।

मर्मत सम्भार गरेको सामाग्री सिन्धुली अस्पताल ब्यावस्थापन समितिका अध्यक्ष प्रलादकुमार पोख्रेल र मेसु उमेश प्रधानलाई हस्तान्तरण गरिएको पहाडीले जानकारी दिए ।

सामूहिक सरोकार समाज सिन्धुलीका अध्यक्ष पहाडीले भने, ‘यस्तो कोभिडको महामारीको अवस्था बिरामीहरूलाई उपचार को लागि बाहिर जानु पर्ने बाध्यता छ । सरकारी  तथा गैरसरकारी निकाय हरुले स्वास्थ्य सामाग्रीहरू वितरण गरे पनि त्यसको अवस्था कस्तो छ ? काम गर्छ की गर्दैन ? त्यसमा कसैको ध्यान न पुगेको अवस्थामा हाम्रो संस्थाले जिल्लामा एक नयाँ कार्यको थालनी गरेका छौ।‘

उनका अनुसार बायो मेडिकल इन्जिनियरिङ फाउन्डेसन नेपालका प्राविधिक लक्ष्मण  श्रेष्ठ, उमेश कुमार खनाल,प्रेमबहादुर मगर, सुरेश कुमार पौडेल र मनीराम पनेरुले स्वास्थ्य उपकरण मर्मत सम्भार गरेका थिए।

सामाग्रीहरू बुझ्दै अस्पताल अध्यक्ष प्रलादकुमार  पोख्रेलले लाखौँ लाख रुपैयाँ पर्ने मेशिनहरू प्राविधिक सहयोग नभएर थन्किएको अवस्थामा संस्थाले मर्मतमा  सहयोग गरेको सह्रानीय  रहेको बताए । उनले उक्त  कार्यको प्रशंसा गरेका छन्।


...

सिन्धुली दर्पण

यो नेपाली भाषाको अनलाइन पत्रिका हो । हामी तपाईमाझ खासगरी सिन्धुली जिल्ला र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५४०४२६७७

[email protected]


प्रतिक्रिया दिनुहोस !
सम्बन्धित खबरहरु

सिन्धुली। नेकपा एमाले फिक्कल गाउँपालिका कमिटीको प्रथम अधिवेशन सम्पन्न भएको छ । मंगलबार सम्पन्न अधिवेशनले अध्यक्षमा रामप्रसाद भण्डारीलाई चयन गरेको

सिन्धुली । नेकपा एमाले गोलन्जोर गाउँ कमिटीको प्रथम अधिवेशन सम्पन्न भएको छ । गोलन्जोर गाउँपालिका -७ खुर्कोटको आजाद समृती भवनमा

नेपाल कम्युनिस्ट पार्टी (एमाले) ले आसन्न १०औँ राष्ट्रिय महाधिवेशनमा नेतृत्व चयनका लागि विद्युतीय मसिन गर्ने भएको छ । शुक्रबार सम्पन्न