मरिणका विद्यालय प्रविधिमैत्री बनाउन हेण्डसद्धारा आइटि सामाग्री हस्तान्तरण



मानव तथा राष्ट्रिय विकास समाज (हेण्ड्स) नेपाल सिन्धुलीले मरिण गाउँपालिकाका ५ विद्यालयलाई प्रविधीमैत्री बनाउन आइटी सामाग्री हस्तान्तरण गरेको छ ।

विद्यालयलाई सूचना र प्रविधि प्रर्वद्धन गर्न बुधबार हेण्ड्स नेपालका अध्यक्ष बासुदेव अधिकारीले गाउँपालिका अध्यक्ष पानीराज बम्जनलाई आइटि सामाग्री हस्तान्तरण गरेका हुन ।

पालिकालाई प्राप्त आइटि सामाग्री पालिकाका कपिलाकोट माध्यमिक विद्यालय, माध्यमिक विद्यालय खयरसाल ,बरुणेश्वर माध्यमिक विद्यालय बरुण,आपचौर माध्यमिक विद्यालय ठुलदमार र सुकेश्वर आधारभुत विद्यालय चनौटे का प्रधानध्यापकहरु लाई अध्यक्ष बम्जनले हस्तान्तरण गरेका थिए।

प्रति विद्यालयलाई १४ इन्चको ल्यापटप एक/एक थान, प्रोजेक्टर एक/एक थान, ४३ इन्चको स्मार्ट टिभि दुई/दुई थान, प्रोटेवल ट्रली स्पिकर एक/एक थान, मिडास सफटवयर विन्डोजअपरेटिङ सिस्टम गरिएको सिकार्य परियोजनाका कार्यक्रम संयोजक प्रमोद तिमल्सिनाले जानकारी दिनुभयो ।

हेण्डस नेपालका अध्यक्ष अधिकारीले प्लान इन्टर नेश्नल नेपालको आर्थिक सहयोगमा विद्यालयलाई प्रविधि मैत्री तरिकाले शिक्षण सिकाई गर्न र वालवालीका लाई पढाई प्रति रुची बढाई गुणस्तरीय शिक्षा प्रदान गर्न आइटि सामाग्री सहयोग गरेको बताए ।

यस्तै गाउँपालिका अध्यक्ष बम्जनले हेण्डस नेपालले मरिण गाउँपालिकाले लिएको नितीलाई सहयोग पु¥याउन सहयोग गरेकोमा धन्यबाद दिए । विज्ञानको समयमा प्रविधिको माध्यमबाट पठन–पाठन गर्न र विद्यालयलाई प्रविधिमैत्री बनाउन सहयोग गरेकोमा धन्यवाद दिदै उनले अव फेरी १२ वटा विद्यालयलाई संस्थाले थप सहयोग गर्नेमा आशा व्यक्त गरे ।



प्रतिक्रिया दिनुहोस !
सम्बन्धित खबरहरु

नेपाल आदिवासी जनजाति पत्रकार महासंघ(फोनिज) सिन्धुलीको चौथो अधिवेशनले ३ बर्षे कार्यकालका लागि नयाँ कार्यसमिति चयन गरेको छ । शुक्रबार सिन्धुलीमाढीमा

राष्ट्रपति विद्यादेवी भण्डारीले मुस्ताङमा रहेको मुक्तिनाथ मन्दिरमा पुजाअर्चना गरेकी छन् । शनिबार बिहान उनले मुक्तिनाथ मन्दिरमा पुजाअर्चना गरेकी हुन् ।

काठमाडौं । नेकपा एमालेको आफ्नो आसन्न १० औँ महाधिवेशनमा विद्युतीय भोटिङ मसिन प्रयोग गर्ने भएको छ । तुलसीलाल स्मृति प्रतिष्ठान