कोरोना नियन्त्रणमा लाग्न सरकारलाई एमाले नेतृ उमा कोइरालाको आग्रह



सत्तारुढ दल  नेकपा एमालेकी  केन्द्रीय सदस्य तथा प्रभावशाली नेतृ उमादेवी कोइरालाले सरकारलाई कोरोना रोकथाम र नियन्त्रणमा ध्यान केन्द्रित गर्न आग्रह गरेकी छिन ।


बिहीबार सिन्धुली दर्पणसँग प्रतिक्रिया दिँदै कोइरालाले कोरोनाको सङ्क्रमण र मृत्युदर पनि बढ्दै गएको भन्दै सरकारलाई यस तर्फ ध्यान केन्द्रित गर्न आग्रह गरेकी  हुन ।


सरकारको अहिलेको मुख्य जिम्मेवारी भनेको जनता जोगाउनु हो उनले भनिन् ‘कोरोनाको सङ्क्रमण फैलिरहेको छ, बिरामीहरूले सहज रूपमा उपचार पाउन नसकेको गुनासो गरी रहेका छन् ।’ स्वास्थ्य संस्थाहरूमा बेड र अक्सिजनको अभाव हुन नदिन तत्कालै आवश्यक योजना बनाउनु पर्ने उनको भनाई छ । 


उनले भनिन ‘सरकार भन्नाले सङ्घीय सरकार मात्र होइन, सङ्घीय, प्रदेश र स्थानीय सरकार मिलेर काम गर्नु पर्ने देखिन्छ ।’ उपचार नपाएर छटपटाई रहेका बिरामी लाई केही निजी अस्पतालहरूले बिरामीको उपचार गर्न आनाकानी गरेर सरकारलाई असहयोग गरेको भन्दै निजी अस्पताललाई उनले मानवीयता देखाउन आग्रह गरिन् ।


महामारीका बेला नागरिकले सरकारको प्रभावकारी भूमिका खोजेको भन्दै उनले आफ्ना जनता जोगाउन कै लागि भए पनि सरकारले  निजी अस्पतालमा बिरामीको उपचार हुने व्यवस्था सरकारले मिलाउनु पर्ने बताइन् ।


अहिले कोभिडसँग सरकार लडिरहेको समयमा केही अराजनीतिक चरित्र र कुण्ठा बोकेकाहरू सरकारलाई सहयोग गर्नुको साटो उल्टै सरकारसँग भिडेर बस्नेहरूले मानवीयता समेत भुलेको उनको आरोप  छ ।


 यस महामारी सँगको लडाइमा सिङ्गो सरकार मात्र लडेर जित हासिल गर्न नसकिने भएकाले सबै नागरिकले आ–आफ्नो तर्फबाट सहयोग गर्नु पर्ने वेला आएको भन्दै उनले नागरिकहरूलाई सुरक्षित भएर बस्नको लागि आह्वान गरेकी छन् ।


साथै नेकपा एमाले बाट निर्वाचित जनप्रतिनिधिहरूलाई जनताको सुरक्षामा लाग्न समेत उनले आग्रह गरिन् ।



प्रतिक्रिया दिनुहोस !
सम्बन्धित खबरहरु

सिन्धुली । यहि पुस २३ र २४ गते नेपाल कम्युनिष्ट पार्टी (एमाले) सिन्धुलीको जिल्ला अधिवेशन हुने भएको छ । अधिवेशनले

नेपाल कम्युनिष्ट पार्टी (माओवादी केन्द्र) को पालिकाको प्रथम सम्मेलनले जिल्लाका नौ पालिकामा नयाँ नेतृत्व चयन गरेको छ । जिल्लाका नौ

नेपाली कांग्रेस सिन्धुली संघीय क्षेत्र नम्बर २ मा देउवा पक्षीय उम्मेदवार कुमार ढकाल एक मत अन्तरले निर्वाचित भएका छन् ।